მიმდინარე წლის ივლისიდან სასწრაფო სამედიცინო დახმარების ცენტრი „მედ 11“ ოფიციალურად შეუერთდა საქართველოში მოქმედ სამედიცინო და სპა-ველნეს აპარატურის იმპორტიორსა და მაღალტექნოლოგიური ლაბორატორიების ქსელის მმართველ კომპანიას — „მედიქალ ვორლდს“.

„მედიქალ ვორლდი“ ქართულ ბაზარზე 2003 წლიდან ოპერირებს და წლების განმავლობაში მნიშვნელოვნად გააფართოვა საქმიანობის არეალი.

„მედიქალ ვორლდის“ განვითარება

კომპანია თავდაპირველად მხოლოდ სამედიცინო აღჭურვილობის იმპორტზე იყო ორიენტირებული.
2017 წლიდან კი პორტფელს დაემატა ლაბორატორიული მიმართულება და შეიქმნა ქსელი, რომელიც დღეს მომხმარებელს 800-ზე მეტ ლაბორატორიულ კვლევას სთავაზობს.

დღეს „მედიქალ ვორლდის“ ლაბორატორიები წარმოდგენილია:

• ქვეყნის 13 ქალაქში
  
  

• 15 ფილიალით
  
  

მომხმარებელს შესაძლებლობა აქვს სრული სერვისი მიიღოს — ნიმუშის აღებიდან დიაგნოსტიკით დასრულებული.

რეგიონული გაფართოება

კომპანიის დამფუძნებლის, ლევან ქობალიას განცხადებით, ორი თვის წინ გაიხსნა რიგით მე-15 ფილიალი ამბროლაურში, ხოლო უახლოეს მომავალში იგეგმება ახალი ფილიალის გახსნა მესტიაშიც.

როგორც ის აღნიშნავს, ადგილობრივი კადრების შერჩევა და გადამზადება თავად კომპანიის მიერ განხორციელდება, რაც მოსახლეობას ადგილზე ლაბორატორიული სერვისის მიღების საშუალებას მისცემს.

Medical World Spa & Wellness

„მედიქალ ვორლდის“ კიდევ ერთი მნიშვნელოვანი მიმართულებაა Medical World Spa & Wellness, რომელიც მაღალი ხარისხის სპა და ველნეს აპარატურის იმპორტზეა ორიენტირებული.

კომპანია თანამშრომლობს ცენტრალური ევროპის წამყვან მწარმოებლებთან და ქართულ ბაზარს სთავაზობს ინოვაციურ პროდუქტებს. დღეს „მედიქალ ვორლდი“ თანამშრომლობს საქართველოს თითქმის ყველა კურორტთან და უზრუნველყოფს:

• სპეციალური გამაჯანსაღებელი აბაზანების ინსტალაციას
  
  

• ფიზიოთერაპიული აპარატების მონტაჟს
  
  

• ტექნოლოგიების მართვისთვის საჭირო პერსონალის გადამზადებას
  
  

თანამედროვე სტანდარტების დანერგვამ მნიშვნელოვნად გააფართოვა სპა და ველნეს სერვისების სპექტრი საქართველოს სასტუმროებსა და კურორტებზე.

„მედ 11“-ის შეძენა და ახალი ეტაპი

მიმდინარე წლის ივლისიდან „მედიქალ ვორლდმა“ შეიძინა სასწრაფო სამედიცინო გადაუდებელი დახმარების ცენტრი „მედ 11“, რომელიც საქართველოში გერმანული გადაუდებელი დახმარების ცენტრის ფილიალია.

„მედ 11“ უზრუნველყოფს:

• პაციენტების ჰოსპიტალიზაციას საქართველოს მასშტაბით
  
  

• საერთაშორისო სამედიცინო ტრანსპორტირებას
  
  

• ბინაზე სამედიცინო მომსახურებას
  
  

„მედ 11“-ის ტექნიკური და სამედიცინო შესაძლებლობები

დღეს „მედ 11“-ს ჰყავს:

• 7 სრულად აღჭურვილი რეანიმობილი
  
  

• მცირე ზომის ავტომობილები, რომლითაც ექთნები საქართველოს 13 ქალაქში გადაადგილდებიან
  
  

რეანიმობილები აღჭურვილია:

• თანამედროვე სამედიცინო ტექნიკით
  
  

• კარდიოგრაფებით
  
  

• სპეც კონტროლს დაქვემდებარებული მედიკამენტებით
  
  

• სპეციალური საკაცეებით, მათ შორის ბარიატრიული პაციენტებისთვის
  
  

კომპანია უზრუნველყოფს როგორც ადგილობრივ, ისე საერთაშორისო გადაყვანებს, მათ შორის ევროპის სხვადასხვა ქვეყანაში.

„მედ 11“-ის სერვისების სრული სპექტრი

„მედ 11“-ის მომსახურება არ შემოიფარგლება მხოლოდ გადაუდებელი დახმარებით. სერვისები მოიცავს:

• 24/7-ზე ექთნის მომსახურებას
  
  

• რენტგენის გადაღებას
  
  

• ექოსკოპიას
  
  

• ელექტროკარდიოგრამას
  
  

• სასუნთქი გზების სანაციას
  
  

• სხვადასხვა პროფილის ექიმის კონსულტაციას
  
  

• ლაბორატორიულ კვლევებს